USHAURI WA TESDO KUHUSU UPATIKANAJI WA WALIMU KATIKA SHULE ZA SEKONDARI

1.0         Taarifa fupi kuhusu program ya asasi ya kujitolea kufundisha

Awali ya yote tunapenda kuishukuru ofisi yako tukufu kwa kuwa sikivu kwa ushauri lakini pia kuchangia moja kwa moja katika kuhamasisha maendeleo ya kijamii na ya kiuchumi ya mkoa wetu wa Tabora.

Asasi yetu imeshaanza kufanya jitihada za makusudi katika kunusuru ufaulu duni wa wanafunzi wa mkoa wetu wa tabora na kwa sasa ina kambi darasa kwa ajili ya kutunga mitihani, kufanya masahihisho na kufundisha na kisha kuzifundisha mada ambazo zimeonekana kuwa ngumu kwa watahiniwa katika shule ya Itetemia na Fundikira. Pia tumeombwa na Rwanzari na tumeitikia wito kuiunganisha katika program yetu hii. Tuna walimu 22 tabora mjini na pia tuna walimu wachache Nzega na Uyui.

Pia asasi imeanza program ya kujitolea kufundisha bure (TESDO FREE TUITION) na inafanyia shule ya sekondari Kazima, tunapokea wanfunzi zaidi ya mia tano kila siku.

Mapokezi ya program zetu kwa jamii ya Tabora

Asasi imepata faraja kwa mapokezi mazuri kwa jamii ya watu wa Tabora kuhusu program yetu hii ya kujitolea kufundisha na zaidi tumefurahi shule nyingine kutuomba kufanya program hii katika shule zao mfano mzuri ni shule ya sekondari Rwanzari.

Wanafunzi na walimu wakizungumza kabla ya kuanza vipindi Kazima sekondari ,Tabora mjini

Bofya hapa kupakua taarifa yote